Tetesi za usajili barani Ulaya leo 19 October 2018

Tetesi za usajili barani Ulaya leo 19 October 2018

0

Tetesi za usajili barani Ulaya leo 19 October 2018

Alexis Sanchez anatafakari kuhama Manchester United miezi tisa baada ya mchezaji huyo wa kiungo cha mbele mwenye umri wa miaka 29 kuwasili kutoka Arsenal. (Mail)

Real Madrid imewasiliana na aliyekuwa meneja wa Chelsea Antonio Conte kuhusu kupokea jukumu la kusimamia klabu hiyo kutoka kwa Julen Lopetegui, aliyesalia na mechi tatu kuuokoa wadhifa wake licha ya kwamba ameajiriwa msimu huu wa joto. (Corriere dello Sport )

Mshambuliaji wa Liverpool na England Daniel Sturridge, mwenye umri wa miaka 29, yu tayari kusaini mkataba kuongeza muda wake kucheza Anfield. (Sun)

Aliyekuwa mlinzi wa Manchester United Wes Brown anasema mchezaji wa Chelsea Eden Hazard anatumia mbinu sawa na za Cristiano Ronaldo kushinikiza uhamisho kwenda Real Madrid. (Express)

Lakini timu ya the Blues inatumai kuidhinisha mazungumzo ya mkataba na Hazard mwezi ujao kujaribu kumshawishi raia huyo wa Ubelgiji mwenye umri wa miaka 27 akubali kuahidi mustakabli wake huko Stamford Bridge. (Mail)

 

Mshambuliaji wa LA Galaxy Zlatan Ibrahimovic, aliye na miaka 37, anasema atakataa kurudi Manchester United mwezi Januari wakati msimu ukimalizika wa ligi kuu ya soka. (Sky Sports kupitia Metro)

Mchezaji wa kiungo cha mbele wa Man United raia wa Ufaransa, Anthony Martial, mwenye umri wa miaka 22, amekataa mapendekezo kadhaa ya mkataba mpya kutoka klabu hiyo.(RMC Sport)

Kikosi cha Barcelona kinaweza kumkaribisha mchezaji wa kiungo cha mbele wa timu ya taifa ya Brazil Neymar, mwenye umri wa miaka 26, katika klabu hiyo tena iwapo ataamua kurudi tena katika timu hiyo ya mabingwa wa Uhispania kutoka Paris St-Germain. (Mundo Deportivo )

 

Chelsea imekosa subira na mshambuliaji wa Uhispania Alvaro Morata, mwenye umri wa miaka 25, na itajaribu kupata mchezaji mwingine wa kuichukua nafasi yake Januari. (Sun)

Arsenal ina hamu kumsajili beki wa shoto wa Liverpool Alberto Moreno, huku timu hiyo ya the Reds ikikubali kumpoteza mchezaji huyo wa Uhispania mwenye miaka 26 kwa uhamisho wa bure mwishoni mwa msimu. (Mirror)

 

Liverpool itaomba kitita cha zaidi ya £ milioni 20 kwa mchezaji wa kiungo cha mbele Divock Origi, mwenye miaka 23, iwapo raia huyo wa Ubelgiji ataondoka Januari. (Liverpool Echo)

Mshambuliaji wa Argentina Gonzalo Higuain, ambaye kwa sasa amechukuliwa na AC Milan kwa mkopo, anasema alilazimishwa kuondoka Juventus ili kutoa nafasi kwa ujio wa Cristiano Ronaldo. (Gazzetta dello Sport )

Meneja wa Newcastle Rafael Benitez ameambiwa hatopewa fedha zaidi kununua wachezaji wapya katika dirisha la uhamisho Januari. (Chronicle)

Aliyekuwa beki wa kati wa Manchester United Gary Pallister amemshutumu Romelu Lukaku baada ya mshambuliaji huyo wa Ubelgiji kusema anatumai kucheza katika Serie A huku kukiwepo fununu zinazomhusisha na uhamisho kwenda Juventus. (Star)

Bosi wa Tottenham Mauricio Pochettino anasema hana majuto kuhusu klabu hiyo kutomsajili mchezaji yoyote msimu wa joto. (Telegraph)

Waliodownload App yetu kaa chonjo muda wowote Tutakuwa Tukitoa zawadi za Vocha, Kama bado haujadownload BONYEZA HAPA waliodownload endelea kutembelea

NO COMMENTS

LEAVE A REPLY